Тарихи Байҳақий

XI асарда яшаган тарихчи, Ғазнавийлар давлати котиби Абул Фазл Байҳақийнинг «Тарихи оли Махмуд» (Махмуд хонадони тарихи) асари илмий жамоатчилик орасида «Тарихи Байҳақий» номи билан машҳурдир. Ушбу асарнинг шоҳ Махмуд ва Маъсудлар даврига тааллуқли қисмигина бизгача етиб келган бўлиб, асар юртимизда 1962 йил рус тилидагина нашр қилинган. Қўлингиздаги китоб асарнинг Хоразм ҳақидаги Х бобининг ўзбек тилидаги илк таржимасидир. Унда Хоразм воҳаси тарихи ва географияси ҳақидаги қисқача изоҳ, шу билан бирга Хоразмда ҳукмронлик қилган африғийлар, маъмунийлар сулолалари, Хоразм ҳукмдорларининг минтақадаги ўрни ва халқаро алоқалари, шахсиятлари ҳақида қимматли маълумотлар келтирилади. Муаллиф бевосита ўзи гувоҳ бўлган ва гувоҳлардан аниқлаган маълумотлари асосида яратилган асар нафақат мутахассислар учун, балки тарихимизга қизиқувчи барча учун бебаҳо манбаа бўлиб хизмат қилади.