E ce l'arapette.
'O pate è nu viecchio nzallanuto ca nun è buono manco a ardere. Faceva 'o cuoco int' 'a tratturia d' 'a Bella Napule, e 'o princepale nn' 'avette mannà pe disperazione. St'Assunta 'o vulette essere miso 'a tratturia d' 'o Ribicchino, e stu don Michele, piglie…
E ce 'o mettette.
E po', nu' ve dico niente, mo a Pusilleco, mo a Secunnigliano, n'ato juorno addu' Pallino, campagnate 'a ccà, rivertimente 'a llà, gelate, zeppule a San Giuseppe… Ah!.. E che ne vulite sapé? (Rompe un altro pezzetto di cioccolatte) Sta ciucculata 'a essa ll'aggio avuta… (mangia).
E tutto questo amore è finito con una tagliata di faccia!
Amore? Eh!.. (ironica. Mette in bocca un altro pezzo di cioccolatte) Amore! (si leva).
No?
Cioè, isso sì, isso ll'ha sempe vuluto bbene.
E lei?
E lei… Lei… Vulite sapé 'a verità? Io st'Assunta nun ll'aggio pututa maie capì! Chesta ogne tanto lle vota 'a capo pe quaccheduno, e, ogne tanto, pe ccausa soia, quacche povero figlio 'e mamma passa nu guaio.
Ah? È pericolosa?
È strambalata, 'on Federì. È na femmena curiosa assaie. Vo' bene, nun vo' bene, s'appiccia, se stuta, mo v' 'a strignite int'a na mano, mo ve sfuie comm'a n'anguilla… Ah!..
È interessante.
È cevetta.
Già… Ma un certo genere di civetteria…
Sicuro: avite raggione. Tuttuquante 'a vanno appriesso. E pur io, 'a voglio bene. Neh, comme se spieca?..
Ma pecché ll'ha tagliata 'a faccia?
Comme! Chella s'era misa a fa 'a cummedia cu na guardia 'e pubblica sicurezza! Int' 'o stesso quartiere! Ma sta bene?
Sì, o signori! Lo scoppio della passione in una anima ribelle, ma sincera!..
Chi sta parlanno?
L'avvocato.
E Tina addo' sta? Tina!.. Tina!..
Tina Ti'!.. (si rimette a scrivere).
Mammà?..
E statte ccà! Lèvete 'a miezo 'a folla!
Mammà, sta parlanno ll'avvocato! Io 'o voglio sentì! (riapre la porta e rientra nella 5.ª Sezione, seguita da Pesce: si ode daccapo la voce dell'avvocato).
Viene ccà!..
E non a caso, o signori, ho citato il verso di quel poeta che, inneggiando al ribollente Vesuvio…
Che dice? 'O Vesuvio? E che ce trase 'o Vesuvio?
Eh, va buono! Chillo è paglietta, vo vencere 'a causa e ce fa trasí 'o Vesuvio, Pumpei, 'a Grotta 'e Pezzule… Eh! 'A quanto tiempo avarranno fatto pure 'a sentenza!
Ah, forze vurrà ntennere ca stu don Michele è comme 'o Vesuvio, ca votte fuoco…
Pecchè, 'on Michele pure votte fuoco?
Mena 'e curtellate, 'on Federì!
Meglio, meglio!
È buono cumm' 'o ppane, ma quanno ll'è scesa 'a benda nnanz 'a ll'uocchie è n'animale!
Meglio, meglio!
Eh, meglio, meglio! E tene già n'ati dduie ferimente ncuollo!
Recidivo? Meglio!
Scusate, voglio vedé Tina addo' sta…
Aspettate… sentite…
La Corte!
Sentite buono… 'onn'Emì… Vuie, a me…
Ched'è, neh, 'on Federì?
Vuie mme sapite pe scuitato… Avite capito?
E pecché?..
(Risuona un alto grido nella 5.ª Sezione: «Ah! Figlio mio!.. Figlio mio!..»
Subito dopo, una scampanellata. Mormorio animato. Esclamazioni. La folla esce dalla 5.ª Sezione, parlando a voce alta).
Assunta Spina è tra le prime a uscire dalla Sezione. È stravolta, atterrita. Si preme la mano sinistra sulla benda e la tien ferma alla guancia. Agitando l'altra mano, a donna Emilia che le si fa incontro, con voce rauca:
Duie anne! Duie anne!.. (si batte con la palma della destra in fronte).
Overo!?..
(Arrivano curiosi da destra e sinistra. Quasi contemporaneamente a Assunta escono dalla Sezione Donna Concetta, Furturella, Filomena, Ernestina, Tittariello, Tina e Pesce, che si affollano alla porta per vedere uscire Michele. Controscena di tutti. Gli uscieri Sgueglia e Torelli seguitano a scrivere. Michele esce subito tra due carabinieri e una guardia di Publica Sicurezza, ammanettato. I carabinieri si fanno largo tra la folla).Voce di usciereFuori! Fuori! Uscite!Concetta(cercando di avvicinarsi a Michele)Michè! Michè!..
Fuori! Fuori! Uscite!
Michè! Michè!..
Avanti!
Mm'è subbissato a nu figlio!
Assunta, Ernestina, gli uscieri, Tina, donn'Emilia, Pesce, Federigo. La folla continua a passare, in silenzio.
Ernestì!.. Duie anne! Duie anne!
E chi ss' 'o crereva?
Duie anne!
Jammuncenne…
Mme tremmeno 'e ggamme… (s'appoggia con la mano al tavolo di Torelli).
Vulite vévere?
No…
E assettateve… (le offre una seggiola. Assunta siede. Donn'Emilia si fa avanti, muta, spiaciuta. Assunta leva gli occhi e la guarda).
Duie anne, 'onn'Emì! Avite ntiso?..
Ma vedite! E quanno maie pe na tagliata 'e faccia se so' ddate duie anne!..
Era ricidivo, 'onn' 'Emì! E l'hanno carculate pure chille ati dduie ferimente che facette! (scuote la testa dolorosamente).
Overo? Gué, ma ccà ncoppa nun se scordeno 'e niente!
Pe duie anne nun 'o veco cchiù! (china la testa fra le mani).
Macché!
Se resta a Napoli siete sempre padronissima di vederlo almeno due volte al mese.
Avite ntiso?.. (a Federigo). Overo neh signó?
Ma pecchè? Nn' 'o ponno pure mannà fore?
Eh! Molto probabilmente.
E addo' nn' 'o ponno mannà?
Che so? A Capua, a Salerno, al carcere d'Avellino. Secondo. (accende la sigaretta e contempla Assunta, sottocchi).
Salvo… qualche impegno. Per mezzo del quale potrebbe restare anche a Napoli…
(Avite ntiso?)
Po' resta' a Napule?
Dipende. (Assunta si leva. Egli le si accosta, lento. Sottovoce). Tutto se po' fa. (Un silenzio). Tutto si può accomodare. (più sottovoce). Io pozzo accuncià fatte pure cchiù gruosse 'e chisto.
E vuie… chi site?
Un vostro ammiratore.
(Ntránchete!)
Chi site?..
Un amico di donn'Emilia.
(Puozze passà nu guaio!)
'Onn'Emì?..
Già… ce cunuscimmo… Uh! 'A tanto tiempo!..
'Onn'Emilia mme sape piccerillo… 'Onn'Emì, 'o primmo figlio ca faccio quanno mme nzoro (con intenzione) mme ll'avite piglià vuie!
Onore e piacere! (Puozz'essere acciso! Chillo nne tene dduie!)
(Chi è stu giovene?)
(È n'impiegato 'e ccà ncoppa).
(Avite ntiso c'ha ditto?)
(No… 'a verità…) (vedendo che Federigo si riavvicina) Neh, Tina! Ce ne vulimmo i'?
Mo, mammà! Voglio vedè comme fenesce 'a causa 'e chillo cafone!
Tu qua cafone! Jammuncenne!..
Aniello Battaglia!
Presente!
Sentite, io aspetto un amico. Fra dieci minuti, se permettete, sarò libero e mi procurerò il piacere d'accompagnarvi.
Ma voi dove abitate?
Volete che m'incarichi io di ottenere che il… vostro amico… resti a Napoli?
Vuie overo dicite?
Volete?
E che ce vo?.. Che v'aggia dà?
Niente.
Comme? Niente? (Un silenzio) Ce vonno 'e denare, 'o ssaccio… (risoluta) Ma io mme mpigno ll'oro, mme mpigno 'e rusette, faccio nu debbeto… Nun ce penzate!.. Dicite!.. Quanto ce vo? (lo afferra pel braccio).
Vi ho detto che non occorre.
Sentite… E dicite!.. Parlate!.. Nun ce vonno 'e mezze?.. (Federigo fa spallucce) No?.. E vuie mm' 'o facite pe senza niente?
Pe senza niente.
Vuie facite restá a Michele a Napule?
Sì.
E si nn' 'o manneno fora?
E… nun vulite… niente?
Ah!.. (con gli occhi spalancati guarda Federigo. Sorride, amaramente. Gli mette la mano sul braccio).
'O ssapite… Grazie.
Grazie 'e che?
Grazie, grazie… Sperammo ca resta a Napule. (siede al tavolo di Torelli).
Come volete.
(Palla corta!)
Che se dice, 'on Diodà?
E che s'ha dda dì?.. Uffa!..
State 'e malumore?
Eh! Caro don Federigo! Vedete, io sto qua… ma 'a capa mia sta a n'ata parte. Mia moglie è uscita di conti da sette giorni.
Bravo!
Bravo, ove'?
E che paura avete?
Comme, che paura avete? Chella po' figlià 'a nu mumento 'a n'ato!
Be'?
E chi ll'assiste?
Già. Avete ragione. Guai del matrimonio. Sapete chi è veramente libero, felice, padrone di sè stesso? (con intenzione, e guardando Assunta, sott'occhi) Chi nun è nzurato.
E lo dite a me?!..
Mme pare c'aggio ntiso 'a voce 'e Tittariello…
'O vedite lloco!