Jammo, Espo'!.. (si avviano).
Nu mumento!.. Ma comm'è?.. Chesto nu' sta bene!..
Ma comme se ntenne? Ce cuccammo a dduie a dduie?
Io mme metto a rapporto!
E che ne cacce? Chisse non te risponneno manco!
Fanno chello che bonno lloro!
Chesto nu' sta bene!
E contro 'o revulamento!
È na schifezza!
Nce avimmo fa sentì! Signori mieie…
A rapporto! A rapporto!
Nun 'o vulimmo!
Nun ha dda trasì!.. (Vocìo, romore alto e confuso di voci che protestano).
Gue'!.. Oh!.. E ched'è 'o fatto?!.. Quaccuno 'e vuie vulesse scennere abbascio 'e ssigrete?.. (minaccioso. Silenzio profondo) 'O carcere è chisto e nun c'è che fa! Pe stanotte arrangiateve. Quann'è dimane chi nun è cuntento se mettesse a rapporto, (a' suoi compagni che hanno riaperta la porta). Avanti! (escono. La porta si richiude col solito romore).
All'uscita dei secondini i carcerati si raggruppano tutti sul davanti della scena. Un silenzio.
Avite ntiso?.. Che bulimmo fa?
E c'avimmo fa? Ccà si fossemo tutte uno amorcunzente ce saparriamo revulà 'e n'ata manera. Che buo' fa?.. Ce vo' 'a sciurdezza.
Pe cunto mio mme dichiaro 'a mo. Fosse pure Tore 'e Criscienzo ha dda fa festa! Int' 'o lietto mio nun' 'o voglio! (guardandosi il braccio denudato) Caspeta!.. Federì… chisto m'abbruscia ancora!..
E che tiene ncopp' 'o vraccio?
'On Gennà, ll'avimmo fatto nu risignetto. Senz'offesa ccà stanno 'e maste d' 'e pugneture!
E over'è… (a don Gennaro) Liggite. (Tutti osservano, meno Peppe che se ne sta in disparte e fuma).
«La ronna è ingannatricio.» Bravo! E stu pugnale che bene a di'?
La surisfazione per riflesso della vendetta!
Bravo! (Che bella rocchia 'e galantuommene ca sta ccà dinto!) (al ragazzo che mangia del pane) Guaglió, mo te ne faie n'ato ppoco?
Io tengo famma!
E te si' mmiso n'ata vota ncopp' 'o lietto mio?
'On Peppenié, che se dice? Ve veco 'e malumore…
Niente… Comme si' asciuto?
Aggio perzo… Avite ntiso 'o secundino?
Aggio ntiso. Dice ca mo ce n'allogge a n'ato.
E addo' 'o mettimmo?..
Posa ccà!
Io ll'aggio truvato!
Posa ccà! Mo te ceco n'uocchio! (Rafele si accosta ad essi) S' ha stupetiato 'o muccaturo mio 'a miez' 'e matarazze…
Posa! Miette ccà!.. (s'impadronisce del fazzoletto) Mo vedimmo qua vota te faccio scennere abbascio 'a nfermaria!
Ma comme te pare? Vaie p' 'a ratta pure ccà dinto?
Pe sta vota t' 'a passo liscia. N'ata vota te faccio nu mierco! (mette il fazzoletto in saccoccia).
'On Rafilú'…
Essì! Ccà 'e guagliune ce mancaveno! Te si' mmiso a fa 'o palatino pure ccà dinto!..
'On Rafè…
Aíze sti scorze 'a terra! (gli tira un calcio).
'On Rafè… Per semplice ricordo…
Va bene', 'on Gennà, aggio capito… Comme se dice? Chi ringrazia esce r'obbligo… A rimettere!..
Ma… vedete… io…
A rimettere.
(Sepultus est).
Nu poco 'e silenzio!.. (Tutti tacciono. Si ode un secondo fischio. Tra sè, sorpreso) Nunziata!.. E che sarrà?
Che d'è neh, 'on Peppenié?
A chest'ora?.. Totò?..
Sto ccà.
Vuo' dà n' uocchio 'a porta?
Pronto.
E si vide venì a quaccheduno…
Nu sternuto. Nun ce penzate (va allo spioncino).
Che se dice?
È Nunziata ca m' ha fatto siscà… Certo m'ha dda di' quacche cosa… (porge uno scannetto a Rafele) Saglie… guarde mmiez' 'a strata… (Rafele sale sullo scannetto e guarda dalla gelosia) Nce affiure?
Nun beco niente… Aspettate… llà… rimpetto… dint' 'a cantina 'e don Vicienzo…
Chi ce sta?..
'A nnammurata vosta… cu Gennarino «'o pastore» e cierti sunature…
Eccì! (si scosta dalla porta).
Scínne! (a Rafele, che scende. I carcerati tornano per un momento accanto ai loro letti).
Battimelle!
Presente!
Dimane scendete a parlatorio… Viene il vostro avvocato.
Sissignore. (il secondino s'allontana) È passato… (guardando per lo spioncino) Se n'è gghiuto…
Nun te movere 'a lloco. (sale allo scanno e fischia).
(Rumores fugge!) (s'acconcia il letto e vi si stende sopra).
Ajemmè, che pena ca tengo a stu core!
Sta int' 'e cancelle il mio beno nzerrato!
So' binte juorne ca sta carcerato!
So' binte juorne ca stongo a penà!
Tu tiene mente?
Nun mme movo.
Luntanamente sta voce e stu canto