Read the book: «Акафист Трифону Святому мученику»

Collection
Font:

Рекомендовано к публикации Издательским Советом Русской Православной Церкви (ИС 13-301-0016)

Кондак 1

Избра́нный от Бо́га и к лику святы́х сопричте́нный, святы́й му́чениче Три́фоне! Моли́ся о нас, гре́шных, Влады́це Христу́ и помога́й нам побежда́ти мир, плоть и диа́вола, многообра́зно вою́ющия на ны, я́коже победи́л еси́ их благода́тию и си́лою возлю́бленнаго тобо́ю Христа́, да, изба́вльшеся от враго́в на́ших ви́димых и неви́димых, благода́рственно воззове́м ти: Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.

Икос 1

О́бразу благоче́стия роди́телей твои́х подража́я, христиа́нския нра́вы от лет ма́лых прия́л еси́, святы́й му́чениче, и мал сый ле́ты, стар же ра́зумом, вои́стинну христиани́н соверше́н яви́лся еси́. Мы же, воспомина́юще доброде́тельное житие́ твое́, восхваля́ем тя си́це:

Ра́дуйся, добронра́вных роди́телей благочести́вый сы́не; ра́дуйся, вели́кое их утеше́ние.

Ра́дуйся, А́нгела твоего́ храни́теля непреста́нное весе́лие; ра́дуйся, от ю́ности твое́я всего́ себе́ Бо́гу преда́вый.

Ра́дуйся, от ю́ности Христа́ возлюби́вый; ра́дуйся, от ма́лых лет благода́ть Бо́жию оби́льно стяжа́вый.

Ра́дуйся, ду́шу свою́ непоро́чну яви́вый; ра́дуйся, себе́ сама́го в храм Ду́ха Свята́го угото́вавый.

Ра́дуйся, отроко́м о́браз жития́ свята́го показа́вый; ра́дуйся, благоче́стием твои́м ве́рныя возвеселя́яй.

Ра́дуйся, от ма́лых лет за вся сия́ Бо́гом возлю́бленный.

Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.

Кондак 2

Ви́дя Госпо́дь, я́ко во́лею по стези́ благоче́стия, в не́мже от роди́телей твои́х наста́влен был еси́, тече́ши, и я́ко вои́стинну лю́биши Бо́га, сотвори́ тя в жили́ще Свята́го Ду́ха от лет ма́лых и отве́рзе уста́ твоя́ пе́ти Ему́: Аллилу́иа.

The free excerpt has ended.

Age restriction:
12+
Release date on Litres:
19 March 2015
Writing date:
2013
Volume:
14 p. 1 illustration
ISBN:
978-5-9968-0230-2
Copyright holder:
Благовест
Download format:
Text
Average rating 4,8 based on 31 ratings
Text
Average rating 4,6 based on 10 ratings
Text PDF
Average rating 3,5 based on 15 ratings
Audio
Average rating 4,8 based on 9 ratings
Text PDF
Average rating 4,8 based on 5 ratings