Qumru əlifbası

“Qumru əlifbası” şair Qismətin müxtəlif illərdə çap olunan “Vitrin”, “Meqapolis hüznləri” kitablarından, eləcə də son illərdə yazdığı şeirlərdən seçmələr şəklində tərtib edilib. Kitabdakı şeirlər urbanistik həyatın sevinclərini, narahatlıqlarını, melanxoliyasını, hüznünü, təsəlli ünvanlarını özünəməxsus tərzdə ifadə edir. “Qumru əlifbası” çoxsaylı allüziyalar, intertekstual əlaqələr, işarələr, çoxqatlı obrazlar, yeni imaj və forma ek­s­pe­rimentləri vasitəsilə gündəlik həyatın axarı içindəki poe­ziyanı üzə çıxarmaqla, keçmişlə indi arasındakı bağları və konfliktləri təsvir edir. “Qumru əlifbası” öz kosmosunu şəhər, evlər, uşaq­lar, urbanistik qüssə, axtarış, sevgi, erotizm, günah, keçmişlə zarafatyana dialoq, estetik tənhalıq, kitab kultu kimi motivlər üzərində qurur.