Ҳомиладорлик бахти

Аёлнинг бахти фарзанд билан тўкис бўлади. Соғлом бола нафақат оиланинг, балки жамиятнинг ҳам асоси ҳисобланади. 2014 йилнинг Давлатимиз раҳбари томонидан «Соғлом бола йили» деб номланиши бежиз эмас. Бола тарбияси ва парваришига давлат сиёсати даражасида эътибор қаратилиши ёш авлоднинг жисмонан ва маънан баркамоллиги нечоғлик муҳим эканлигидан дарак беради. Бу борада асосий масъулият оналар зиммасига тушар экан, аввало болани соғлом дунёга келтириш масаласига алоҳида эътибор қаратиш лозим. Мазкур китобчада айнан шу борада сўз юритилади. Қимматли маслаҳатлар ва тавсиялардан иборат ушбу рисола асосан оналик остонасидаги аёллар учун мўлжалланган…