Read the book: «Къакъа–жужула дурхIнас. ГIямруличила. ГIямрула гIяхдIешуначила, ва дяглIичила»

Перевод книги «Детям одуванчиков» (автор Дика Кара) с русского на даргинский язык

Переводчик Зубайдат Гусейнова

© Дика Кара, 2021

© Зубайдат Гусейнова, перевод, 2021

ISBN 978-5-0055-7480-0

Создано в интеллектуальной издательской системе Ridero

БархIи ахъиб.

ХIерила буцIардеш бархIехъла пяхIудешли барсбариб. Лерилра мицIирти секIайс гьаммадбиуб.

МицIираг ва кьар-шин, лерилра хIядурдиублири дусес, жибинти биалли чула дугила хIянчиличи хIядурдиублири.

Бухъна къакъа-жужуни дурхIнала дурхIначил гъайбухъес пикрибарилри.

– Бухъна къакъа-жужуни бурулри, бегIлара гIяхIси секIал – вегIла ихтияр вегIлизиб лебни саби. Ну хIушази бикIулра, илди бурни хIясибли сари. БегIлара г1яхIси саби, неш – дудешла хъали.

ДиштIати къакъа-жужуби тамашадиуб ва цаличи ца хIердизур.

– Хала дудеш, бура ил, се сабил бегIла дурхъаси?

– Хьарбаиб биштIаси къакъа-жужули.

– Гьанна ил гIягIнили ахIен, замана бакIибхIели балада!

– Хъутурдяхъиб хала дудешли.

– ХIуша гьачамлис диштIалира, – пикрибухъи, къакъа-жужуни ахъли иб:

– Дусес кадихьеная! Кьанси замана саби.

Хала дудешла гъай бекIлизирад аркьули ахIенри биштIаси къакъа-жужула, пикрумазиб бускаэсхIебирулри:

– Хала дудеш, бура гьари, бура, селичила викIусирил хIу, сегъуна мягIна саби ил секIа? Сегъуна мяг1на бухIнабуцили илди гъайли?

– МягIна …мягIна агнив…? – хIулби гьаргхIедарили иб хала дудешли.